Hujjatdan provodkagacha
Buxgalteriya dasturining asosiy vazifasi — har bir xo'jalik operatsiyasini to'g'ri schyotlarga yozish. NAZORA'da operatsiya bir marta, hujjat sifatida kiritiladi: realizatsiya, xarid, bank yoki kassa to'lovi, ish haqi qaydnomasi, hisobdan chiqarish dalolatnomasi. Saqlash tugmasi bosilganda dastur provodkalarni o'zi tuzadi va hujjatga bog'laydi.
Hujjat tahrirlansa yoki bekor qilinsa, unga tegishli provodkalar ham avtomatik yangilanadi — jurnalda egasiz yozuvlar qolmaydi. Har bir hujjatlar ro'yxatida provodka ustuni bor: bosib, hujjat qaysi schyotlarga tushganini darhol ko'rasiz.
Hisobotlar: aylanma-saldodan balansgacha
Barcha hisobotlar bitta provodkalar jurnalidan shakllanadi, shuning uchun ular bir-biriga mos keladi:
- Aylanma-saldo vedomosti (oborotka) — davr bo'yicha, schyot kartasigacha ochiladi
- Provodkalar jurnali — sana, hujjat va schyot bo'yicha filtr
- Buxgalteriya balansi (1-shakl) — teskari qoldiqlar NSBU bo'yicha qayta tasniflanadi
- Moliyaviy natijalar to'g'risidagi hisobot (2-shakl)
- Pul oqimlari to'g'risidagi hisobot (4-shakl)
- QQS registri va Dt-Kt solishtirma dalolatnomalar
Davrni yopish va qulf
Oy yopilgach, o'sha davrga hujjat kiritish yoki o'zgartirish bloklanadi — topshirilgan hisobot keyin o'z-o'zidan o'zgarib qolmaydi. Tuzatish kerak bo'lsa, ruxsati bor foydalanuvchi davrni qayta ochadi; barcha o'zgarishlar amaliyotlar tarixida qayd etiladi.
Ikki kontur: qonuniy va boshqaruv
Bitta bazada ikki xil hisob yuritiladi. Qonuniy konturda — NSBU bo'yicha rasmiy provodkalar va soliq hisobotlari. Boshqaruv konturida — rahbar uchun ustama, real foyda va kapital. Ma'lumot bir marta kiritiladi va ikki kontur bir-biriga zid kelmaydi.
Boshqa buxgalteriya bo'limlari
- Asosiy vositalar va nomoddiy aktivlar — chiziqli amortizatsiya, hisobdan chiqarish
- Kreditlar — to'lov grafigi, foiz haqiqiy kunlar bo'yicha (365/366)
- Bank va kassa — 28 ta standart DDS moddasi bo'yicha provodka
- Boshlang'ich qoldiqlar — har bir hisob bo'yicha o'z sanasi bilan
- Birja orqali xarid va sotuv — avans, garov va komissiya hisobi
NAZORA tuzadigan provodkalar
| Operatsiya | Dt | Kt | Izoh |
|---|---|---|---|
| Mahsulot sotildi — daromad | 4010 | 9010 | Tovar sotilsa — 9020 |
| Sotuvdagi QQS | 4010 | 6411 | QQS stavkasi bo'yicha |
| Sotilgan mahsulot tannarxi | 9110 | 2810 | O'rtacha tortilgan narxda |
| Xarid: tovar omborga kirdi | 2910 | 6010 | QQSsiz summa |
| Xariddagi QQS | 4410 | 6010 | Kirim QQS |
| Ish haqi hisoblandi | 9420 | 6710 | Har xodim kesimida |
| JShDS ushlandi | 6710 | 6410 | Stavka sozlamada (12%) |
| Ijtimoiy soliq | 9420 | 6520 | Stavka sozlamada (12%) |
Savol-javob
Buxgalteriya dasturi sifatida NAZORA nimani avtomatlashtiradi?
Provodkalarni tuzishni, ombor qoldig'i va tannarxni, QQS va ish haqi soliqlarini hisoblashni, aylanma-saldo vedomosti va moliyaviy hisobotlarni shakllantirishni. Buxgalter hujjatlarni kiritadi va natijani tekshiradi.
Schyotlar rejasini o'zgartirsa bo'ladimi?
Asos — NSBU 21-son schyotlar rejasi. Analitika (kontragent, xodim, hisob kesimi) avtomatik yuritiladi; xarajat va DDS moddalarini o'zingiz qo'shishingiz mumkin.
Balans va 2-shaklni Excel'ga chiqarsa bo'ladimi?
Ha. Rasmiy 1- va 2-shakl soliq idorasi shabloniga mos ko'p listli Excel faylga eksport qilinadi; boshqa hisobotlar Excel va PDF formatida saqlanadi yoki chop etiladi.
Bir nechta korxona hisobini yuritsa bo'ladimi?
Ha. Foydalanuvchi korxonalar o'rtasida bir tugma bilan almashadi, har korxona hisobi alohida. Biznes tarifida 3 tagacha korxona.