Toifalar va omborlar
Har bir pozitsiya o'z toifasida va schyotida hisoblanadi: xom ashyo (1010), inventar (1080), materiallar (1090), yarim tayyor mahsulot (2110), tayyor mahsulot (2810) va savdo tovarlari (2910). Bir nechta ombor ochish, pozitsiyalarni guruhlash va qoldiqni har ombor kesimida ko'rish mumkin.
Kirim, chiqim va ko'chirish
- Xariddan kirim — QQS alohida, qo'shimcha xizmatlar (masalan, transport) miqdor yoki summa bo'yicha tovar tannarxiga taqsimlanadi
- Hisobdan chiqarish — dalolatnoma asosida, sababi bilan
- Ombordan omborga ko'chirish — ko'p qatorli hujjat, qoralama va o'tkazilgan holatlari
- Savdoga o'tkazish — mahsulotni joriy tannarxda tovar toifasiga o'tkazish
- Guruhli kirim va chiqim hujjatlari
Tannarx qanday hisoblanadi
NAZORA o'rtacha tortilgan narx usulidan foydalanadi: har kirimdan keyin qoldiq miqdori va qiymati qayta hisoblanadi, chiqim esa joriy o'rtacha narxda baholanadi. Oy yopilganda qoldiq keyingi oyga ko'chadi; o'tgan sanaga hujjat kiritilsa, keyingi oylar qoldig'i zanjir bo'yicha qayta hisoblanadi.
Inventarizatsiya va qayta baholash
Inventarizatsiya sanasidagi hisobdagi qoldiq avtomatik chiqadi, siz faqat haqiqiy miqdorni kiritasiz. Farqlardan bir tugma bilan hujjat tuziladi: kamomad 9430, ortiqcha 9390 schyotiga provodka bilan. Qoldiq qiymatini pastga yoki yuqoriga qayta baholash ham shu bo'limda.
Ikkilamchi o'lchov birligi va qadoq
Mahsulotni kilogrammda hisoblab, tonnada yoki qopda sotish mumkin: ikkilamchi birlik va qadoq nisbati pozitsiyada belgilanadi, hujjat qaysi birlikda kiritilsa, qoldiq aniq mutanosib ko'rsatiladi.
Ombor hisobotlari
- Moddiy hisobot — boshlang'ich qoldiq, kirim, chiqim va yakuniy qoldiq
- Kirim-chiqim reestri — manba, kontragent va hujjatgacha
- Ombor qoldiqlari daraxti — omborlar va toifalar kesimida
- Tugayotgan qoldiq haqida ogohlantirish (mobil ilovada)
NAZORA tuzadigan provodkalar
| Operatsiya | Dt | Kt | Izoh |
|---|---|---|---|
| Xom ashyo kirimi (xarid) | 1010 | 6010 | QQSsiz summa |
| Ishlab chiqarishga sarf | 2010 | 1010 | O'rtacha tannarxda |
| Tayyor mahsulot kirimi | 2810 | 2010 | Ishlab chiqarish tannarxi |
| Savdoga o'tkazish | 2910 | 2810 | Joriy tannarxda |
| Hisobdan chiqarish | 9430 | 1090 | Dalolatnoma asosida |
| Inventarizatsiya: ortiqcha | 1010 | 9390 | Boshqa operatsion daromad |
Savol-javob
Bir nechta ombor bilan ishlasa bo'ladimi?
Ha. Har ombor bo'yicha qoldiq, ko'chirish hujjatlari va hisobotlar alohida ko'rinadi, umumiy qoldiq esa barcha omborlar bo'yicha yig'iladi.
Tannarx qaysi usulda hisoblanadi?
O'rtacha tortilgan narx usulida. Xariddagi qo'shimcha xizmatlar (masalan, transport) miqdor yoki summa bo'yicha tovar tannarxiga taqsimlanadi.
Inventarizatsiya natijasi buxgalteriyaga qanday tushadi?
Farqlardan bitta hujjat tuziladi: kamomad — Dt 9430, ortiqcha — Kt 9390. Qoldiq va provodka bir vaqtda yangilanadi.
Omborchi telefondan ishlay oladimi?
Ha. Android ilovada qoldiqlar ko'rinadi, Telegram bot orqali esa omborchi va sex boshlig'i kirim-chiqimni kiritadi.